由遊戲機寵物Tamagochi到網絡寵物Meromero

Tamagochi

十年前一隻怪雞〈他媽哥池〉他媽的受歡迎, 大街小巷坐車飲茶都見到大人細路跟手上的遊戲機蛋蛋談戀愛, 齊齊發揮前所未有的愛心與精神, 沈醉於飼養育成寵物的世界. 每天給牠餵食, 便便, 跟牠做運動, 玩遊戲....付出連串的關懷, 為的是見證牠健康開心地成長, 要牠變臉變身變靚靚, 不想疏於照顧下落得變壞變醜八怪長出一孖潤腸嘴的收場.

日本Bandi正牌Tamagochi有某些限額發行的別注版, 外型圖案及顏色都較特別, 物以罕為貴, 一度造成炒風. 想當年自己是當中瘋狂發傻一份子, 曾經在旺角的先達廣場一店舖以起碼$4xx(可能$6xx, 不記得了！)的價錢買入一隻棗紅色的他媽, 結果潮流一過, 十年後的今天牠大概在我舊居的某個抽屜底, 瑟縮一角. 迪士尼卡通『反斗奇兵』, 大概故事都在諷刺著我.

Tamagochi當年風靡一時, 帶來了類似的育成動物應運而生, 養貓仔, 狗仔, 恐龍....千奇百怪. 推陳出新的第二, 第三代更有相互交流, 結婚誕下下一代的功能. 現在的任天狗, PSP對戰遊戲, 多少是從中演變.

上星期在香港sina網站開blog, 參觀別人的blog時發覺有不少養blog寵物玩意. 正中我好奇貪玩大唔透的下懷, 其中最有名的可能是日本網站Meromero Park的小水滴. 牠會從一個頭一條尾的唔知乜東東樣子, 隨著主人經常寫blog付出的心機, 靠吃blog內容文字而逐漸成長. 好處是主人大懶惰不寫blog牠不會餓死, 只會健康活躍度下降, 而正正常常好好地待牠, 給牠文字吃, 牠會古靈精怪長出菇菇頭, 長出手腳, 有角有翼等, 動作及附屬背景物件亦會愈益豐富. 賣點還有是Meromero Park中設有交友功能, 可從中認識其他小水滴. 除發源地日本外, 台灣, 香港原來也有一大班blogger熱愛玩這blog寵物, 香港便有一個小水滴教學及討論區.........一切看來要撥冗慢慢發拙箇中奧妙了.