宋家皇朝

昨晚約了一中學老同學在中環會面, 都畢業咁多年, 原來數數手指大家相識了超過廿載. 對於呢d數字, 提起會好驚訝, 以前只聽聞我父親介紹世叔伯我認識時, 會說某某是幾多十年的老朋友, 如今, 原來我自己身邊的舊同學, 大家的友情年資都........噢! 情深別再提, 嘿嘿.
在中環找東西吃, 找找下來到近上環的『宋家皇朝』, 朋友說以前店舖的名字是『龍門客棧』, 不是吧? 『龍門客棧』像暴風雨前夕, 個名總叫我想到大廝殺場面喎.
『宋家皇朝』是京川滬菜館, 6點幾去到, 當然沒有甚麼人. 望望餐牌, 發覺另外有2間分店, 分別位於沙田第一城及銅鑼灣. 剛剛上openrice摷過有關資料, 原來口碑唔多掂, 如果昨天去之前看過, 一定唔會去幫襯.
昨晚點了油淋雞(應該是招牌菜之一), 糖醋排骨, 三鮮津白及一籠小籠包. 各樣的賣相幾吸引, 唔算細碟, 津白稍清淡, 可能專登不想弄得太鹹; 半隻的油淋雞雞味麻麻, 不過$48價錢是這些貨色了; 糖醋排骨算幾好味; 小籠包反而非常一般; 味道跟價錢整體上算合理啦, 又不是今日在openrice看到的食評咁嚇人.
埋單$220, OK啦.