山林道大盛 リ

晚上到尖沙咀與佐敦之間的山林道『大盛リ日本料理』吃晚飯, 因聽聞這裡的食物大件夾抵食.
「大件夾抵食」.......... 呢5個字已經是好好的理由要到那裡品嚐品嚐吧.
星期二的晚上, 這裡還是預早來電訂位較上算, 因她是山林道其中一間好生意的食店.
『大盛リ』裝修沒甚麼花巧, 賣點是食物質素而並非環境氣氛, 主要的必殺技就是大大件的壽司. 三文魚及鰻魚等壽司都長達八吋, 十五元一份有兩舊, 又不會薄切將貨就size, 一擺上檯已令人眼前一亮, 感覺好抵食耶. 除此外, 蟹籽的份量是她另一賣點, 嘗試點一份蟹籽壽司或蟹籽沙律便會知道我所言非虛. 這晚上我們還點了$98的左口魚刺身(原本想要$150的龍蝦刺身, 但是晚卻沒有得賣!), $58的海膽金龍卷(共8件~必試), 軟殼蟹小食, 天婦羅, 雜錦串燒等等(最後兩者跟其他日本料理店所賣的沒甚麼特別, 是可試可不試的選擇). 埋單時若您沒有九折咭, 侍應便會像派咭片般每人派您一張, 以後再食便等如不收加一了.
最後要一提是這裡的menu列明開瓶費或切餅費都要收$80, 即係叫人唔好帶酒帶生日蛋糕入去. 相信是其生意貨如輪轉, 經常有人等位, 唔希望顧客帶街外食物入內進食耗時耗量吧.