銅鑼灣拉麵橫丁

晚上到了銅鑼灣總統戲院旁由同一個老細開的日本拉麵橫丁一嘗拉麵. 原來那裡不是在地面的一條巷, 而是在二樓的. 節日當前加上始終開幕不久, 那裡都幾多人, 6間拉麵店發現是標榜日本不同地域, 有關東, 關西, 東北, 北海道等......都各有捧場客啦. 但比較上入面正中間的「翔太郎」(代表東北)較少人排隊, 可能是其menu拉麵賣相唔夠東洋化. 最後選擇了條排隊龍唔長唔短的關東代表「六坊」, 其實它menu上極少選擇, 但由於想一嘗叉燒麵豉拉麵罷了, 所以冇問題啦. 在店前排隊都用上半小時多, 中途還要遇上比人霸占(店員說這是第二千五百位顧客光臨, 可以唔洗排隊兼一位免費! 並任由其在6間揀1間食, 居然揀著我排隊那間, 很無奈!) 後來, 等到肚子幾餓時終於有麵遞上, 一見叉燒的賣相又有點無奈, 這碗叉燒拉麵的叉燒竟是粒狀的, 一些大一些小, 很瘦包會吃得"痴牙"那種, 還要我第一啖吃時是稍凍的, 唯有即刻把叉燒浸在熱湯中. 碗拉麵不是難食, 但一心以為這裡是仿傚真正日本製法, 還以為可回味一番日本拉麵風味的想法告吹了. 加上以食拉麵計, 價錢不便宜, 所以對其印象麻麻, 或者下次人較少時會試試北海道風味那間啦.