時代廣場對面的魚一丁

今日是個要慶賀的日子, 本打算到久仰大名但未去過的港島香格理拉酒店Cafe Too光顧一頓自助晚餐, 朝早打電話留座, 居然接待小姐回答我說:「是晚已滿座, 如果唔介意bar(木台)有位!」乜話,逾三百元的自助晚餐要我坐bar(木台)? 今日星期幾呀? 當我還不能相信這事實的同時, 唯有退而求其次, 撥電到同位處金鐘, 幾年前幫襯過的隔鄰萬豪酒店訂座, 今次接電的是位先生, 殊不知......居然......「是晚已滿座........(這次連bar木台都冇提)....」; 嘩, 簡直就是雙重打擊, 晴天霹靂! 星期一晚想食餐成三舊水有多的自助晚餐居然如此搶手, 難道香港經濟真的復甦得咁驚人, 會唔會關乎股市再度逼近萬二點事? 唉, 怪就怪我一直以為星期一晚唔洗太早訂位! 結果比人話我成日臨急抱佛腳....... 真無奈!
咁點算? 是晚都要擦餐好ga. 終於決定一試常排長龍, 標榜北海道新鮮美食的魚一丁日本料理居酒屋, 今次撥電留座順利OK了. 晚間到達銅鑼灣的居酒屋, 預留了是窗口位(留位好處), 兩個人點了五道菜, 包括$220剌身船, 長長蟹腳, 極上天婦羅, 燒牛肉粒, 豆腐沙律. 食物來到時全部大大碟(除了牛肉粒), 直情食到屎下屎下, 本打算叫飯後甜品都真係食唔落作罷, 埋單價錢兩人等同去Cafe Too食buffet, 一D都唔平. 不過預左, 難得是食蟹時感覺令我回味到上年自由行到大阪心齋橋道頓堀間蟹道樂食蟹腳情境, 但始終覺得原來地方的鮮甜些. 講真, 呢餐魚一丁只是普普通通, 不過不失, 下次唔係有一大堆人, 如果得我倆應該唔會再去.