麥記又加價

麥當奴的食品近年來靜靜地加價, 對比起類似的快餐店食物如美心, 大家樂等, 年來的升幅是過份地高. 最近, 麥記居然新出了一個賣$22的飽~~田園香草雞飽, 以一向賣十元左右一個飽的市場策略卻忽然推出接近Oliver Super sandwich, delifrance價錢的飽; 若果推廣成功, 麥記將開拓出一條較高檔的選擇路線.
本著咁多年都未見過麥記有廿元個飽賣的心態, 我好奇的在日前試吃了. 哈哈, 扮下食家評評先: 個飽非常柔軟, 件雞幾滑但不算好有雞味, 醬汁很大路都不錯, 生菜不是很翠綠(因為有一塊像爛爛地有些黑點痕跡!), 兩片青瓜就暖暖地幾新鮮, 至於d香草, 會有一路食飽一路跌到成身都係的危機, 要小心些食. 整體來說, 味道不錯啦, 但賣這個價錢以麥當奴計是過份昂貴了, 個飽唔係好食或抵食到試完一次會想再試囉.