初次見到真人靚靚Cookies

今天接近12:00在中環史丹利街投注站門前. 嘩! 已企了一班人在等候馬會開門準備購買今晚開彩的超級六合彩(香港人喜歡做善事又一例證, haha). 我排埋一份, 離開時發覺多人到馬會要採取分流措施, 分批進入, 而正門入口處已出現了排隊入投注站的景象.
1:00左右一大班年青歌手在我樓下商場開show, 真開心真興奮親眼見到cookies四餅演唱新歌「一擊即中」, 四塊曲奇青春無敵好靚女, 就連大鼻妹妹kary都愈睇愈靚, 真人一D都唔醜樣哩. 企係我隔鄰班年青fans好瘋狂, 瘋狂得來弊在D叫聲好尖好高音. 第一位出場梁漢文班fans成首「披頭四」一字不漏跟唱, 幾乎都聽唔到梁唱乜濟. 好彩cookies排第三出場, 否則尖叫聲令耳仔極受罪, 本來我個位睇得幾清楚, 點知班cookies fans見偶像出場突然企係我面前附近, 仲要高舉大大塊的支持牌阻住我視線, 真激死! cookies唱完我也走人了.

tvb-drama

28/7無線8:00首播青春游水勵志劇『戀愛自由式』, Stephy+Theresa初演電視劇集, 千祈千祈千祈.....記住記住記住......要睇啦...呵呵.